Bible Studies

---

KRISTIYANISMO
Bulay.
Ang Kristiyanismo ay isang uri ng pamumuhay.
Ang pundasyon ng Kristiyanismo ay ang katotohanang si Jesu-Cristo ay Diyos. Ang pundasyon naman ng Ebanghelyo ay ang katotohanang si Jesu-Cristo ay muling nabuhay at hindi na mamamatay kailanman.
Ayon sa Juan 8:58, ang buhay ni Jesus ay walang pasimula. At ang sabi ng Juan 1:1-2, si Jesus ay walang hanggan. Ayon sa Juan 17:5, si Cristo ay Diyos.
Ang katotohanang si Jesus ay nagpapatawad ng mga kasalanan ay isang patunay na Siya ay Diyos. Ang pagbibigay Niya ng paningin sa taong bulag ay nagpapatunay din na Siya ay Diyos.
Ang mga katangian ng Diyos na na kay Jesu-Cristo ay nagpapakita sa atin kung ano Siya at kung sino Siya.
Ang Pagmamahal at Awa ay ilan lang sa mga ito. Ang lahat ng kapangyarihan ng Diyos ay nasa Kanya.
Ang Kristiyanismo ay mawawalan ng kabuluhan kapag inalis si Cristo at ang lahat ng Kanyang mga ginawa.
Ang Filipos 2:10-11 ay nagsasabi na balang-araw ang lahat ay sasamba kay Cristo at kikilalanin Siya ng lahat bilang Diyos.
Nararapat lamang na ipakita natin ang pagiging tunay na Kristiyano sa isip, sa salita, at sa gawa upang mahikayat ang iba na tangkilikin ang uri ng pamumuhay na ating tinatahak.
Nilay.
1. Ano ang Kristiyanismo? ____________________________________________________________
2. Ano ang pundasyon ng Kristiyanismo? ____________________________________________________________
3. Dahil Siya ay Diyos, ano ang kayang patawarin ni Jesus? ____________________________________________________________
4. Paano magiging walang kabuluhan ang Kristiyanismo? ____________________________________________________________
5. Dapat ba nating ipakita ang ating pagiging Kristiyano? Bakit? ____________________________________________________________


KALIGTASAN
Bulay.
Lahat ng tao ay nangangailangan ng kaligtasan mula sa kapahamakan na dulot ng kasalanan. Kahit ang mga tao sa Biblia na sina David, Isaias, at Jeremias ay umamin na sila ay mga makasalanan. Lahat tayo ay makasalanan din.
Kahit na isapamuhay pa natin ang Gintong Aral, hindi ito ang paraan upang maligtas. Kahit ang bautismo sa tubig ay hindi makakapagligtas sa kahit sinuman. Ngunit marami pa ring mga tao ang bulag sa mga espirituwal na bagay dahil sa kagagawan ni satanas.
Ginagamit ng Espiritu Santo ang Biblia upang ipaunawa sa tao ang pagiging makasalanan natin. Ang Biblia ay nagsasabi na ang puso ng tao ay marumi at napakasama.
May dalawang bagay na kailangan upang maligtas: pagsisisi at pananampalataya.
May tatlong bahagi ng ating pagkatao ang may kinalaman sa pagsisisi: ang ating kaisipan, emosyon, at kalooban.
Ang tunay na pagsisisi ay pagbabago ng ating kaisipan sa kasalanan, pagkalungkot dahil sa kasalanan, at pagpapalit ng makasalanang asal.
Ang mga tao sa Tesalonica ay nagpakita ng tunay na pagsisisi sa pamamagitan ng pagtalikod sa kanilang mga diyos-diyusan upang paglingkuran ang buhay na Diyos.
Nagkakaroon lamang ng tunay na pagsisisi sa pamamagitan ng kabutihan ng Diyos, biyaya ng Diyos, at pagpapahayag ng Kanyang Salita. Kung nais ng isang taong maging isang tunay na Kristiyano, dapat lamang na magtiwala siya kay Cristo.
Alam ng bawat tumanggap kay Jesu-Cristo na sila ay ligtas dahil sinabi ito ng Biblia sa Juan 1:12-13. Ang mga mananampalataya ay dapat manindigan sa ginawa ni Cristo sa Krus at sa Biblia.
Nilay.
1. Ano ang ginagamit ng Espiritu Santo upang ipaunawa sa atin ang ating pagiging makasalanan? ___________________________________________________________
2. Ano ang dalawang bagay na kailangan ng tao upang maligtas? ___________________________________________________________
3. Paano nagsisisi ang mga taga-Tesalonica? ___________________________________________________________
4. Paano natin malalaman na tayo ay ligtas nga? ___________________________________________________________
5. Saan dapat manindigan ang mga mananampalataya? ___________________________________________________________

---

PLEASE ENCOURAGE AUTHOR BELOW LEAVE COMMENT ON ARTICLE