Devotionals

---

Ikinuwento ni Jesus ang tungkol sa isang mayaman at matagumpay na magsasaka...

Ang bukirin ng isang mayamang tao ay may saganang ani. Tinanong niya ang kanyang sarili, "Ano’ng gagawin ko ngayon, wala na akong mapaglagyan ng aking ani?" Sabi pa niya, "Alam ko na ang gagawin ko! Ipagigiba ko ang aking mga kamalig at magpapatayo ako ng mas malalaki para sa lahat ng aking ani." Sasabihin ko sa aking sarili, "Marami ka ng naipon para sa mahabang panahon. Magpahinga ka na lamang; kumain, uminom at magpasarap sa buhay." Ngunit sinabi ng Diyos sa kanya, "Hangal, sa gabi ring ito’y babawian ka na ng buhay. Kanino ngayon mapupunta ang mga inilaan mo para sa iyong sarili?" Ganyan din ang sasapitin ng sinumang nag-iipon ng kayamanan para sa sarili, ngunit dukha pa rin naman sa paningin ng Diyos.
Tingnan ang Lucas 12:16-21
Sinabi rin ni Jesus...
Huwag kayong mag-impok ng mga kayamanan dito sa lupa; dito’y may naninirang insekto at kalawang, at may nakakapasok na magnanakaw. Sa halip, mag-impok kayo ng kayamanan sa langit; doo’y walang naninirang insekto at kalawang, at walang nakakapasok na magnanakaw. Sapagkat kung saan naroroon ang iyong kayamanan, naroroon din ang iyong puso.
Tingnan ang Mateo 6:19-21
Sabi ni Jesus...
Ano ba ang mapapala ng isang tao makamtan man niya ang buong daigdig, ngunit mapapahamak naman ang kanyang kaluluwa?
Tingnan ang Marcos 8:36
Mabubuhay ka ba para sa kayamanan ng mundo habang pinapabayaan mo ang iyong walang hanggang kaluluwa?

Lumilipas ang mundo, at ang mga bagay na narito, ngunit ang sinumang gumagawa ng kalooban ng Diyos ay mabubuhay magpakailanman.
Tingnan ang 1 Juan 2:15-17


Ano ang kalooban ng Diyos?
Lahat ng kumikilala kay Jesu-Cristo upang maligtas at nananampalataya sa Kanya ay magkakaroon ng buhay na walang hanggan.
Tingnan ang Juan 6:40

---

PLEASE ENCOURAGE AUTHOR BELOW LEAVE COMMENT ON ARTICLE